पिंपरी चिंचवड : पिंपरी चिंचवडमध्ये एका महिलेची ऑनलाईन फसवणूक झाल्याचा प्रकार उघडकीस आला आहे. शेअर मार्केटमध्ये गुंतवणुकीच्या नावाखाली या महिलेची तब्बल तीन लाखांपेक्षा जास्त पैशांची फसवणूक झाल्यानंतर नैराश्यातून या महिलेने आपले घर सोडले असल्याची माहिती समोर आली आहे.
अधिक माहितीनुसार, पिंपरी चिंचवडमधील एका महिलेची ऑनलाईन पद्धतीने शेअर मार्केट स्कॅममध्ये जवळपास ३. १५ लाखांची फसवणूक झाली. त्यानंतर या महिलेने नैराश्यातून ३१ जुलै रोजी आपलं घर सोडलं आणि गुजरातेतील सुरतला निघून गेली.
हरवल्याची तक्रार दाखल केल्यानंतर या महिलेला पिंपरी चिंचवड पोलिसांच्या पथकाने फक्त १५ तासांच्या आत शोधून काढलं आहे. शोधल्यानंतर पोलिसांनी या महिलेला तिच्या कुटुंबियांकडे सुपूर्द केले आहे. सायबर जागरूकता मोहीमेचा भाग म्हणून त्यांनी ही माहिती आपल्या ट्वीटरवरून शेअर केली आहे.
"सायबर जागरूकता मोहीमेचा भाग म्हणून या आठवड्यातील एक घटना आपल्या सोबत शेअर करत आहोत ऑनलाइन शेअर मार्केट स्कॅममध्ये एका महिलेचे ₹३.१५ लाखांचे नुकसान झाले. तणावामुळे ती ३१ जुलै रोजी घर सोडून गेली आमच्या टीमने तिला १५ तासांच्या आत सुरतमधून शोधून काढले आणि कुटुंबास सुपूर्द केले..!" असं ट्वीट पिंपरी चिंचवड पोलिसांच्या अधिकृत ट्वीटर हँडलवरून करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.