लखनऊ : उत्तरप्रदेश येथील जौनपूर येथे एका पोलीस अधिकाऱ्याने ऑन कॅमेरा लाच घेतल्याचा प्रकार समोर आला आहे. या घटनेचा व्हिडिओ सोशल मीडियावर व्हायरल झाला असून या घटनेनंतर सदर पोलीस अधिकाऱ्यावर कारवाई करण्यात आली आहे.
उत्तरप्रदेशमधील जौनपूर येथील बदलापूर पोलीस ठाण्याच्या अंतर्गत हा प्रकार घडला असून तेथे तैनात असलेल्या पोलीस उपनिरीक्षकाने हा पराक्रम केला आहे. एक प्रकरण मिटवण्यासाठी त्याने एका व्यक्तीकडून लाच घेतली आहे.
व्हायरल झालेल्या व्हिडिओमध्ये एक व्यक्ती आणि आरोपी पोलीस उपनिरिक्षक पत्र्याच्या खोलीत बसलेले असून व्यक्ती त्याला काही पैसे मोजून देताना दिसत आहे. त्यानंतर पोलिसही ते पैसे घेऊन खिशात घालताना दिसत आहे. त्याच्या शेजारी बसलेला व्यक्ती घाबरलेला दिसत आहे.
ग्रामीणचे अप्पर पोलीस अधिक्षक शैलेंद्र सिंह यांनी सांगितलं की, बदलापूर येथील ठाण्यावर तैनात असलेल्या उपनिरिक्षक प्रसिद्ध नारायण सिंह यांचा एक व्हिडिओ सोशल मीडियावर व्हायरल झाला आहे. व्हिडिओ बघितल्यानंतर पोलीस अधिक्षक डॉक्टर अजय पाल शर्मा यांनी उपनिरीक्षक प्रसिद्ध नारायण सिंह यांना निलंबित केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.