Pune Crime News : आपला बाकी असलेला तीन महिन्याचा पगार मालकाकडे मागितल्यामुळे सफाई कर्मचारी महिलेला मारहाण केल्याचा प्रकार पिंपरी चिंचवड परिसरात घडला होता. ही धक्कादायक घटना पुण्यातील एका ट्रान्सपोर्ट ऑफिसमध्ये घडली होती.
त्यानंतर आता सदर आरोपीला पोलिसांनी ताब्यात घेतलं आहे. सदर घटनेचे सीसीटीव्ही फुटेज सोशल मीडियावर व्हायरल झाल्यानंतर पोलिसांनी तातडीने कारवाई केली आहे.
घटनेच्या सीसीटीव्ही फुटेजमध्ये एक व्यक्ती महिलेला बुक्क्यानी मारहाण करताना दिसत आहे. पिंपरी चिंचवड परिसरातील निगडीजवळील आकुर्डी येथील सिटी प्राईड कॉम्प्लेक्स मध्ये हा प्रकार घडला होता. या व्हिडिओमध्ये एक व्यक्ती महिलेला जबर मारहाण करताना दिसत होता.
दरम्यान, बबिता महेंद्र कल्याणी असं या पीडित महिलेचं नाव असून मागच्या तीन महिन्यापासून तिचा पगार झाला नव्हता. तिने तिच्या कामावर मालक असलेल्या अमजाद खान याचा भाऊ हर्षद खान याच्याकडे पैसे मागितल्यानंतर त्याने महिलेला मारहाण केली. (Marathi Tajya Batmya)
हा प्रकार घडल्यानंतर महिलेने तक्रार दिली आणि त्यानुसार हर्षद याच्यावर अॅट्रॉसिटी आणि आयपीसी 323, 504, 506 अंतर्गत गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.