अयोध्येतील राम मंदिरात येत्या २२ जानेवारी रोजी रामलल्लांची प्राणप्रतिष्ठा होणार आहे. यासाठी भव्य सोहळ्याचे आयोजन करण्यात आले आहे. पंतप्रधान मोदी यांच्या उपस्थितीत हा सोहळा होणार असून यासाठी जोरदार तयारी सुरू आहे. देशभरातील नागरिक राम मंदिरातील प्राणप्रतिष्ठा सोहळ्याची वाट पाहात आहेत. यादरम्यान सर्वत्र वेगवेगळ्या कार्यक्रमांचे आयोजन देखील केले जात आहे.
अयोध्येतील राम मंदिर उद्घाटन सोहळ्याच्या पार्श्वभूमीवर नागपूर येथील एका शाळेतील शालेय विद्यार्थांचा व्हिडीओ समोर आला आहे. या व्हिडीओमध्ये शाळेतील विद्यार्थी प्रभू श्रीरामाच्या एका भजनाच्या तालावर डान्स करताना दिसत आहेत. या विद्यार्थ्यांसमोर एक महिला शिक्षीका देखील डान्स करताना दिसत आहे. शिक्षिकेसोबत विद्यार्थी रामभजनात दंग होऊन नाचताना दिसत आहे.
या व्हिडीओची सध्या सर्वत्र चर्चा होताना दिसत आहे. या व्हिडिओमध्ये विद्यार्थी 'भारत का बच्चा बचा' आणि 'आज गल्ली गल्ली अवध ए सजाएंगे' या गाण्यांवर नाचताना दिसले.
दरम्यान अयोध्या येथील राम मंदिरामध्ये 22 तारखेला प्राणप्रतिष्ठा करण्यात येणाऱ्या मूर्तीचे काही फोटो काल समोर आले आहेत. काळ्या पाषाणतल्या मूर्तीचे फोटो माध्यमांमध्ये झळकले आहेत. म्हैसुरचे शिल्पकार अरुण योगीराज यांनी घडवलेल्या मूर्तीची प्राणप्रतिष्ठा होणार आहे.
घरबसल्या पाहाता येणार प्राण प्रतिष्ठा सोहळा
22 जानेवारीला अयोध्येतील प्राणप्रतिष्ठा सोहळ्याचे साक्षीदार होण्याची तुमची इच्छा असेल, तर तुम्ही घरबसल्या देखील हा सोहळा पाहू शकणार आहेत. या सोहळ्याला लाईव्ह पाहण्यासाठी बरेच पर्याय उपलब्ध आहेत. जर तुम्हाला टीव्हीवर हा कार्यक्रम पहायचा असेल, तर 22 जानेवारी रोजी सकाळपासूनच दूरदर्शनवर याचे थेट प्रक्षेपण सुरू होणार आहे. सकाळी 11 वाजेपासून या कार्यक्रमाचं थेट प्रक्षेपण होणार आहे.
मोबाईलवर या कार्यक्रमाचं थेट प्रक्षेपण पाहण्यासाठी विविध पर्याय उपलब्ध आहेत. यूट्यूबवर दूरदर्शनच्या चॅनलवर देखील याचं लाईव्ह टेलिकास्ट होणार आहे. डीडी न्यूजवर देखील याचं प्रक्षेपण करण्यात येईल.
इन्स्टाग्राम, फेसबुक आणि एक्स (ट्विटर) या सोशल मीडिया प्लॅटफॉर्मवर राम मंदिर ट्रस्टचे अधिकृत अकाउंट तयार करण्यात आले आहेत. याठिकाणी या सोहळ्याचं थेट प्रक्षेपण पाहता येईल.
जिओ सिनेमा या अ‍ॅपवर प्राण-प्रतिष्ठा नावाचं सेक्शन तयार करण्यात आलं आहे. याठिकाणी देखील तुम्ही या भव्य सोहळ्याचं थेट प्रक्षेपण पाहू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.