अलीकडे अनेक वैवाहिक जाहिराती सोशल मीडियावर व्हायरल होत असातात. कधी वर वधूंच्या हास्यास्पद मागण्यांमुळे तर कधी मूर्खपणाच्या मागण्यांमुळे या वैवाहिक जाहिराती व्हायरल होत असतात. अलीकडेच एका matrimonial Siteच्या जाहिरातीचा एक फोटो भन्नाट व्हायरल होतोय. इंजिनीयर्सच्या भविष्याबाबत चिंता व्यक्त करणारी खरं तर ही पोस्ट आहे. मात्र ही व्हायरल पोस्ट जो ही वाचेल त्याला आधी हसू यावं अशी ही पोस्ट आहे.

साधारणत: वर वधूंसाठीच्या जाहिरांतींमध्ये धर्म, जात, शैक्षणिक पात्रता या गोष्टींबाबत माहिती देण्यात येते. मात्र या जाहिरातीतला वेगळेपणा म्हणजे या जाहिरातीच्या शेवटी 'कृपया सॉफ्टवेअर इंजिनीयर्स कॉल करू नका' असे लिहीले होते. एकीकडे ही पोस्ट सॉफ्टवेअर इंजिनीअरच्या भविष्यावर टांगती तलवार असल्याचे भाष्य करते तर दुसरीकडे ज्या कुटुंबाने या मॅट्रिमोनीअल साईटमार्फत ही जाहिरात दिली होती त्यांना सॉफ्टवेअर इंजिनीअरचा राग असावा असे दर्शवते.

काय होती ती जाहिरात?

"वर पाहिजे, हिंदू पिल्लई NV 24/155 गोरी MBA, श्रीमंत कौटुंबिक व्यवसाय असणारी सुंदर मुलगी IAS/IPS, कार्यरत डॉक्टर (PG), एकाच जातीतील उद्योगपती/व्यापारी माणूस”. वरात आवश्यक असलेल्या शैक्षणिक पात्रतेच्या वर्णनाव्यतिरिक्त, शेवटी एक विभाग होता ज्यामध्ये असे म्हटले होते, (सॉफ्टवेअर अभियंते कृपया कॉल करू नका)”

ही जाहिरात सध्या सोशल मीडियावर भन्नाट व्हायरल होतेय. इंजिनीअर मुलगा वर म्हणून का नको? विशेष म्हणजे सॉफ्टवेअर इंजिनीअर याबाबतचा संभ्रम कायम ठेवणारी ही पोस्ट आहे.