Viral Video :

आजकाल तरूण-तरूण प्रेमात आंधळे होत बाईक पळवत असतात. बाईकचं हे वेड प्रेमी युगुलांना कधी पोलिस स्टेशनात नेतं, तर कधी ते खड्डयातही रूतून बसतात. असेच प्रेमात अडकलेले जोडपं जेव्हा चिखलात अडकतं तेव्हा काय परिस्थिती उद्भवते याचा नमुनाच आज पहायला मिळाला आहे.

‘मरते दम तक साथ रहेंगे’ असे म्हणत प्रेमाच्या आणाभाका घेतलेली जोडपी प्रसंगावधान राखून वागतात. तर काही मोजकेच असतात जे शेवटपर्यंत साथ देतात. घरच्यांसमोर अफेअर उघडकीस आलं की काहींचे सूर बदलतात. सोशल मिडियावर व्हायरल होणारा एक व्हिडिओ पाहून असंच म्हणावं लागेल.

एक तरूण बाईक सुस्साट पळवत आणतो अन् रस्त्यावरील भल्यामोठ्या खड्ड्यात चिखलात रूतून बसतो. लाखो प्रयत्न करूनही बाईक चिखलातून बाहेर पडू शकलेली नाही. दोघेही मदतीच्या आशेने दुचाकीवरच बसलेले असतात.

पुढच्याच क्षणी दोघांच्या जवळून एक ट्रक गेला. प्रेयसीने संधी पाहून लगेचच ट्रकवर उडी मारली आणि चिखलातून सहज बाहेर आली. ट्रकमधील व्यक्तीनेही तिला आधार देत चिखलातून बाहेर काढलं. मात्र, बिचारा तर बिचारा प्रियकर दुचाकीसह चिखलातच राहिला.

हा व्हिडिओ giedde नावाच्या इंस्टाग्राम अकाउंटवरही अपलोड करण्यात आला आहे. व्हिडिओ पाहिल्यानंतर एका यूजरने लिहिले की, 'कदाचित त्या मुलानेच मुलीला तिथून जायला सांगितले असेल. ' दुसऱ्या यूजरने लिहिले की, प्रेमात सर्व दु:ख पुरूषांच्याच वाट्याला का येतात, असे म्हटले आहे.