Uttar Pradhesh Viral Content: भारतीयांचं आपल्या जेवणावर विशेष प्रेम असतं. त्यात जर जेवण नॉनव्हेज असलं तर विषयच संपतो. आणि नॉनव्हेजमध्ये ही जर बिर्याणी असली तर मजा वेगळीच. सध्या असाच बिर्याणीमध्ये लेग पिसं नसल्यामुळे भांडण झाल्याचा व्हिडिओ मोठ्या प्रमाणावर व्हायरल होत आहे.

उत्तर प्रदेशातील बरेली येथे एका लग्नामध्ये बिर्याणीमध्ये लेग पिसं नसल्यामुळे पाहुण्यांमध्ये भांडण झाले आणि मग या भांडणाला हिंसक वळण आलं.उत्तर प्रदेशातील नवाबगंज येथे सरताज मॅरेज हॉलमध्ये ही घटना घडली आणि कॅमेरात कैद झाली.वधूच्या बाजूने या भांडणाला सुरुवात झाली. यानंतर मान अपमान नाट्य रंगू लागलं.

साध्या बिर्याणी वरून सुरू झालेल्या या वादाने दोन कुटुंबामध्ये भांडण लावलं. वायरल व्हिडिओमध्ये तुम्ही बघू शकता की पाहुणे एकमेकांवर लाथा बुक्क्याचा मारा करत आहेत.खुर्च्या फेकून मारत आहेत.

एका वृत्तानुसार झालेल्या गोंधळानंतर वर म्हणजेच नवरोबा चांगलाच संतापला. 'मी हे लग्न करणार नाही असे त्याने जाहीर केले. मात्र काही वेळाने वधुपक्षातील वडीलधाऱ्यांनी पुढे येऊन हा वाद मिटवण्याचा प्रयत्न केला आणि लग्न कार्य पूर्ण करा अशी विनंती वरपक्षाला केली.

अखेर नवऱ्याने लग्न करण्याचे मान्य केले. कुटुंबामध्ये समेट झाला. विधिवत विवाह सोहळा पार पडला. लग्न लागले आणि सगळे लोक आपापल्या घरी परत गेले. पाहुणेही या ठिकाणी पोटभर जेवले.