राजकीय वरिष्ठ नेत्यांच्या मिटिंगमध्ये एका उंदराने हजेरी लावल्याचा एक व्हिडिओ सध्या सोशल मीडियावर चांगलाच व्हायरल झाला आहे. समोर वाटीमध्ये ठेवलेला ब्रेडही त्याने फस्त केल्याचं व्हायरल होत असलेल्या व्हिडिओमध्ये दिसत आहे. जम्मू काश्मीर नॅशनल कॉन्फरन्सचे उपाध्यक्ष उमर अब्दुल्ला यांनी हा व्हिडिओ शेअर केला आहे.

(Rat in meeting viral video)

हेही वाचा - Moonlighting And Tax Benefits : ‘मूनलायटिंग’च्या वाटे, नको ‘टॅक्स’चे काटे!

व्हायरल होत असलेल्या व्हिडिओमध्ये काही वरिष्ठ नेत्यांची बैठक चालली असल्याचं दिसत आहे. ही बैठक जम्मू काश्मीरमध्ये चालू असून जम्मू काश्मीर नॅशनल कॉन्फरन्सचे उपाध्यक्ष उमर अब्दुल्ला हे व्हिडिओमध्ये बोलत असल्याची माहिती आहे. तर त्यांच्या समोर ठेवलेल्या वाटीतील ब्रेडवर एक उंदीर ताव मारताना दिसत आहे.

काश्मिरमधील या बैठकीत एका अनपेक्षित उमेदवाराने हजेरी लावली असं लिहित उमर अब्दुल्ला यांनी हा व्हिडिओ आपल्या ट्वीटरवरून शेअर केला आहे. तर सोशल मीडियावर असे अनेक व्हिडिओ व्हायरल होत असतात. हे विनोदी व्हिडिओ नेटकऱ्यांचे मनोरंजन करत असतात.