Viral Video: सोशल मीडियावर अनेक प्रकारचे व्हिडिओ व्हायरल होत असतात. त्यात असे काही व्हिडिओ असतात जे पाहिल्यावर स्वत:च्या डोळ्यांवर देखील विश्वा बसत नाही. असाच एक व्हिडिओ सोशल मिडियावर तुफान व्हायरल होत आहे. ज्यामध्ये एक महिला झाडाची कुंडी खाताना दिसत आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव केला आहे.

सोशल मीडियावर व्हायरल झालेल्या या व्हिडिओमध्ये एक महिला गार्डनमधील एका लहान झाडाच्या कुंडीजवल येते आणि खायला सुरूवात करते. हा व्हिडिओ पाहून यूजर्स देखील चकित झाले आहे. पण या व्हिडिओचे सत्य काही क्षणात समोर आले. झाडाची कुंडी दिसत असलेली ही वस्तू पुर्णपणे चॉकलेटपासून बनवलेली होती.

खाण्या-पिण्याच्या गोष्टीबाबत लोक क्रिएटिव्हिटी दाखवण्यासाठी वेगवेगळे उपाय करत असतात. त्या महिलेने चॉकलेटचा वापर करून झाडाची कुंडी तयार केली. त्यात ओरिओ भिस्किट बारिक करून भरले आणि त्यात एक छोटे रोप ठेवले. हा व्हिडिओ पाहिल्यानंतर सोशल मीडिया यूजर्स वेगवेगळ्या पद्धतीने प्रतिक्रिया देत आहेत. काही लोकांनी सांगितले की, "या मुलीचे टॅलेंट सामान्य नाही."