तलाव, धरणे, समुद्रकिनारी अनेक पर्यटक फिरायला जात असतात. तर अशा ठिकाणी फिरायला गेल्यानंतर विशेष काळजी घेणे गरजेचे असते. समुद्रकिनाऱ्यावर बोटिंग करण्याचे प्रत्येकाचे स्वप्न असते. पण सध्या एका थरारक घटनेचा व्हिडिओ समोर आला असून त्यामध्ये १० ते १२ पर्यटकांना घेऊन जाणारी बोट समुद्रात बुडाली आहे.

व्हायरल होत असलेला व्हिडिओ कोणत्या समुद्रकिनाऱ्यावरील आहे याबद्दल अधिकृत माहिती समोर आली नाही पण या घटनेमध्ये पर्यटकांसहित बोट बुडाल्याचं दिसत आहे. एका पर्यटकाने आपल्या मोबाईलमध्ये ही घटना कैद केली आहे. तर या दुर्घटनेत बोटही पाण्यात बुडाल्याचं दिसत आहे.

दरम्यान, बोट निघाल्यानंतर सर्व पर्यटक खूश दिसत आहेत. तर एक पर्यटक मोबाईलमध्ये शूट करताना दिसत आहे. त्यानंतर समुद्राच्या मोठ्या लाटा येत असून एका मोठ्या लाटेत ही बोट बुडाली आहे. बोट निघाल्यापासून ही घटना फक्त २० सेकंदात घडली आहे. तर ही थरारक घटना कॅमेऱ्यात कैद झाली आहे. सोशल मीडियावर अनेकांनी हा व्हिडिओ शेअर केला आहे.