सोशल मीडियावर अनेक विनोदी व्हिडिओ व्हायरल होत असतात. व्हायरल झालेल्या व्हिडिओमध्ये लग्नाच्या व्हिडिओचा जास्त सामावेश असतो. सध्या असाच एक व्हिडिओ व्हायरल झाला असून एका लग्न समारंभात नवरीचा प्रियकर येतो आणि तिला घेऊन जातो. लग्न समारंभात झालेला हा राडा सध्या सोशल मीडियावर चांगलाच चर्चेचा विषय ठरला आहे.

एका लग्न समारंभात नवरदेव आणि नवरीच्या मध्ये अचानक नवरीचा प्रियकर येतो आणि तो थेट नवरीच्या भांगेत कुंकू भरू लागतो. या घटनेनंतर लग्न कार्यक्रमातील सर्व मंडळी अचंबित झाले आहेत. तर नवरदेवही आश्चर्यचकित होऊन पाहत राहिला आहे. त्याला काय करावे तेही कळत नाही. तर तिथे असलेल्या महिला हे पाहून रडू लागल्याचं व्हिडिओमध्ये दिसत आहे.

"माझ्यापेक्षा चांगल्या मुलासोबत लग्न करायचं होतं ना, हा मुलगा माझ्यापेक्षा चांगला आहे का, माझ्या हाताएवढा पण नाहीये हा मुलगा" असं म्हणत नवरीचा प्रियकर नवरीच्या हाताला धरतो. तेवढ्यात तेथील काही व्यक्ती "तू वेडा झाला आहे का?" असं बोलताना दिसत आहेत.

दरम्यान, जर तुमचं प्रेम असेल तर सगळं शक्य आहे अशा कमेंट नेटकऱ्यांनी केल्या आहेत. तर काही नेटकऱ्यांनी हा व्हिडिओ ठरवून बनवलेला असल्याचा दावा केला आहे. पण इंस्टाग्रामवर शेअर करण्यात आलेल्या या व्हिडिओला नेटकऱ्यांनी चांगलाच व्हायरल केलं असून त्यावर मजेशीर कमेंट केल्या आहेत.