जयपूर : राजस्थानातील जोधपूर येथून एक धक्कादायक घटना समोर आली असून एका महिलेने आल्या दोन मुलांसोबत आत्महत्या केली आहे. आपला नवरा दुसऱ्या एका महिलेसोबत एका रूममध्ये आढळल्याने या पत्नीने हे टोकाचे पाऊल उचलले असून आपल्या दोन्ही मुलांना सुद्धा संपवलं आहे.

अधिक माहितीनुसार, राजस्थानातील जोधपूर येथे ही धक्कादायक घटना घडली आहे. गावाला राहत असलेली पत्नी नवऱ्याच्या वाढदिवसाच्या शुभेच्छा देण्यासाठी गेली असता तिचा पती एका मुलीसोबत बंद रूममध्ये आढळला. त्यानंतर त्यांच्यामध्ये वादावादी झाली आणि दोन्ही मुलांना घेऊन तिथून निघून गेली. या घटनेचा राग मनात धरून या महिलेने आपलं जीवन संपवलं आहे.

तर नवऱ्याच्या आणि बायकोच्या भांडणाचा व्हिडिओ समोर आला आहे. बिरमा असं मृत महिलेचं नाव असून सुरेश विश्नोई असं नवऱ्याचं नाव आहे. त्याचबरोबर बिरमा हिच्यासोबत कार्तिक (वय-५) आणि विशाल (वय-३) या मुलांचाही मृत्यू झाला आहे. या घटनेने हे कुटुंब उध्वस्त झालं आहे.

दरम्यान, व्हायरल होत असलेल्या व्हिडिओमध्ये सदर पत्नी आपल्या नवऱ्याला भांडताना दिसत आहे. तर व्हिडिओमध्ये एक तोकड्या कपड्यातील मुलगीही दिसत आहे. "तू माझा फोन उचलत नाही पण या मुलीसोबत इथे बंद रूममध्ये कसा?" असं ती त्याला बोलताना दिसत आहे. तर यामध्ये महिलेचा पती तडजोड करण्याचा प्रयत्न करत आहे.

आपला पती दुसऱ्या मुलीसोबत आढळल्याचा प्रकार पत्नीच्या पचनी पडला नाही. तिने रडत रडत आपल्या दोन लहान मुलांना घेऊन थेट रेल्वेखाली उडी मारली आणि आत्महत्या केली. याबद्दल पोलिसांनी फरार असलेल्या पती सुरेश आणि त्याच्यासोबत असलेल्या मुलीचा तपास सुरू केला आहे. त्यांना अटक करून चौकशी केल्यानंतर प्रकरणाचा तपास लागेल असं पोलिसांनी सांगितलं आहे.