उन्हाळ्यात दुष्काळी भागामध्ये मोठी पाणी टंचाई होते. आपल्यापैकी अनेकांनी दुष्काळाच्या झळा अनुभवल्या असतील. पण वाळवांटामध्ये नागरिकांना पाण्यासाठी कशी कसरत करावी लागते माहितीये का? सध्या वाळवंटातील एक व्हिडिओ व्हायरल झाला असून ते एका कूपनलिकेमधून पाणी बाहेर काढताना दिसत आहेत.

व्हायरल होत असलेला व्हिडिओ आफ्रिकेतील असल्याचं सांगण्यात येत आहे. आफ्रिकेतील वाळवंटामध्ये पाण्याची खूप टंचाई असून तेथील नागरिकांना अशा पद्धतीने पाणी काढावे लागते. यामध्ये दोन तरूणी एक भांडे कूपनलिकेमध्ये सोडतात आणि त्याला एका दोरीच्या साहाय्याने वर काढतात. यामध्ये जास्तीत जास्त चार ते पाच लीटर पाणी वर येते.

दरम्यान, हे पाणी घरापर्यंत नेण्यासाठी गाढवाचा वापर केला जातो. गाढवाच्या पाठीवर पाण्याचे ड्रम ठेवून ते घरापर्यंत नेले जातात. हा व्हिडिओ सध्या सोशल मीडियावर अनेकांनी शेअर केला असून त्यावर आपल्या प्रतिक्रिया व्यक्त केल्या आहेत. जगाच्या एका ठिकाणी पाण्यासाठी अशी परिस्थिती असेल तर आपण पाणी कसं वापरयाला पाहिजे यावर नेटकऱ्यांनी आपलं मत व्यक्त केलंय.