'ट्विटर' या सोशल मीडिया प्लॅटफॉर्मवर अचानक एक पोस्ट दिसली. ज्यामध्ये एक सैनिक कंटेनरमधून मिनी मोटरसायकल काढताना दिसत आहे. तो आधीच दुमडलेल्या बाईकचा हँडलबार आणि सॅडल सेट करतो. धावत जाऊन ते सुरू करून त्यावर स्वार होऊन निघून जातो. हे पाहून या अनोख्या, मिनी आणि फोल्डेबल बाइकबद्दल अधिक जाणून घेण्याची उत्सुकता निर्माण झाली. तर तुम्हीही आमच्यासोबत या बाइकचा इतिहास आणि वैशिष्ट्ये जाणून घ्या.

दुसऱ्या महायुद्धात लष्करी नवकल्पना शिखरावर होती. नंतर ब्रिटीश-आधारित स्टेशन IX “वेल्बाईक [वेलबाईक] इंटर-सर्व्हिसेस रिझर्व्ह ब्युरोच्या आदेशानुसार तयार करण्यात आली. वेलबाईक बांधण्यामागील हेतू शत्रूच्या प्रदेशात अडकलेल्या सैनिकांना वाहतुकीचं साधन उपलब्ध करून देणं हा होता. जेणेकरून ते तिथून लवकर सुटू शकतील. म्हणूनच तेव्हा त्याला 'क्विक एस्केप व्हेईकल' असं म्हटलं गेलं.

वेलबाईकची वैशिष्ट्ये

1. Velbike चा सर्वात मोठा फायदा म्हणजे त्याची पोर्टेबिलिटी. वजन फक्त ३२ किलो होतं. फोल्ड करण्यायोग्य असल्याने, ते एअरड्रॉपिंग कंटेनरमध्ये ठेवलं जाऊ शकतं आणि पॅराट्रूपर्ससह हवेत सोडले जाऊ शकते.

2. सिंगल सीटर मोटरसायकल 98cc टू-स्ट्रोक इंजिन आणि टेलिस्कोपिक फ्रंट फोर्कद्वारे सज्ज होती. जे ताशी 48 किलोमीटरचा वेग पकडू शकते. त्याची इंधन टाकीची क्षमता 3.7 लीटर होती.

3. ब्रिटीश सशस्त्र दलाने वापरलेली सर्वात लहान मोटारसायकल असण्याचा मान वेलबाईकला मिळाला आहे.

हे फायदे असूनही, वेल्बाईक मर्यादित क्षमतेमुळे ब्रिटीश सशस्त्र दलांद्वारे वापरले जाणारे पूरक वाहन राहिलं. म्हणून, त्याच्या नावीन्यपूर्ण आणि गुप्ततेसारख्या गुणांमुळे, युद्धादरम्यान त्याचं महत्त्व कायम राहिलं, कारण ते एअरड्रॉप्स कंटेनरद्वारे गुप्त पद्धतीने सैनिकांपर्यंत पोहोचवलं जाऊ शकतं.

दुसर्‍या महायुद्धात लहान बाईक तयार करणारा ब्रिटन हा एकमेव देश नव्हता. इटालियन, जर्मन आणि अमेरिकन लोकांनीही त्यांच्या हवाई दलांसाठी छोट्या मोटारसायकल बनवल्या. दुसरं महायुद्ध 1939-45 दरम्यान लढलं गेलं. हे युद्ध जर्मनी, इटली आणि जपान आणि मित्र राष्ट्रे (फ्रान्स, ग्रेट ब्रिटन, युनायटेड स्टेट्स, सोव्हिएत युनियन आणि काही प्रमाणात चीन) यांच्यात लढलं गेलं.