Union Budget 2023 Update : केंद्रीय अर्थमंत्री निर्मला सीतारामन यांनी आज संसदेत 2023-24 या आर्थिक वर्षाचा सर्वसाधारण अर्थसंकल्प सादर केला.

अर्थसंकल्प सादर करताना सीतारामन यांनी विविध क्षेत्रासाठी भरघोस घोषणा केल्या आहेत. दरम्यान, आजच्या अर्थसंकल्पात अर्थमंत्र्यांनी सर्वसामान्यांना मोठं गिफ्ट दिले आहे. पंतप्रधान आवास योजनेचं बजेट ६६ टक्क्यांनी वाढवल्याची माहिती सीतारामन यांनी यावेळी दिली.

अर्थमंत्र्यांनी सांगितले की, प्रधानमंत्री आवास योजनेचे बजेट ६६% ने वाढवून ७९००० कोटी रुपये केले आहे. याशिवाय अंत्योदय योजनेंतर्गत गरिबांना मोफत धान्य पुरवठा एक वर्षासाठी वाढवण्यात आला आहे.

“आमचा आर्थिक अजेंडा नागरिकांसाठी संधी उपलब्ध करून देणे, विकास आणि रोजगार निर्मितीला गती देणे आणि आर्थिक स्थिरता मजबूत करणे यावर केंद्रित आहे,” असं निर्मला सीतारामन म्हणाल्या.