शहादा (जि.नंदुरबार) : शहादा-मंदाणा रस्त्यावर मोटारसायकल व समोरून येणाऱ्या स्विफ्ट डिझायर कार यांच्यात समोरासमोर जोरदार धडक झाल्याने मोटारसायकलवरील दोघेही जखमी झाले असून, त्यांना शहादा येथील खासगी रुग्णालयात उपचारासाठी दाखल करण्यात आले आहे. (2 people injured in car motorcycle accident nandurbar news)

या दोघांच्या हातापायाला दुखापत झालेली असून, ज्ञानेश्वर दत्तू पाटील यांना धुळे येथे हलविण्यात येणार असल्याची वैद्यकीय सूत्रांकडून माहिती मिळाली.

गुरुवारी (ता. १६) सकाळच्या सुमारास मंदाणा येथील ज्ञानेश्वर दत्तू पाटील (वय ४०) व मयूर अशोक मोरे (१६) हे दोघे मोटारसायकल (एमएच ३९, एएच ९५२१)ने दूध खरेदीसाठी शहाद्याकडे येत असताना वापीहून उज्जैनकडे जाणारी स्विफ्ट डिझायर (जीजे १५, सीजे ६३६८) यांच्यात समोरासमोर जोरदार धडक झाली.

हेही वाचा : हिंडेनबर्ग अहवालाचा फटका भाजपला भविष्यात बसणार?

यात दुचाकीच्या पुढच्या टायर व हँडलला जोरदार धडक लागल्याने दुचाकी वाहनाचे मोठे नुकसान झाले. वाहनावरील दोघेही जखमी झाले आहेत. हातापायांना जोरदार मार लागला असून, त्यांना तातडीने शहादा येथील खासगी रुग्णालयात दाखल करण्यात आले. स्विफ्ट डिझायरचे नुकसान झाले.