सिसा : धडगाव तालुक्यातील अक्राणी परिमंडळातील नियतक्षेत्र-राजबर्डी येथील मौजे कुकलट (आयदेवीपाडा) येथे ७४ खैर झाडाचे नग, सागाचा एक नग, मोटारसायकल व कटर मशिन वन विभागाच्या पथकाने जप्त केले. (68000 worth of goods including Khair wood seized at Kuklat nandurbar news)

कुकलट गावातील आयदेवीपाडा जंगलभागात गुप्त बातमीवरून अक्राणी व बिलगाव परिक्षेत्र कर्मचाऱ्यांसह शनिवारी (ता. २०)

फिरस्ती करीत असताना ताज्या तोडीचे ७४ खैर नग व एक साग नग अंदाजे तसेच सुमारे २० हजार रुपयांची मोटारसायकल व दहा हजार रुपये किमतीचे कटर मशिन असा एकूण ६७ हजार ८८४ रुपयांचा मुद्देमाल कारवाईत जप्त करण्यात आला.

यातील आरोपी वन कर्मचाऱ्यांची चाहूल लागल्याने अंधाराचा फायदा घेत पसार झाले. कारवाईनंतर मुद्देमाल शासकीय वाहनाने धडगाव टिंबर डेपोवर आणून पावतीने जमा केला.

याबाबत राजबर्डीचे वनरक्षक ए. एस. पाडवी यांनी गुन्हा नोंदविला. ही कारवाई वनक्षेत्रपाल श्रीमती सी. ए. काटे यांच्या नेतृत्वाखाली वनपाल धडगाव (अ.का.) बी. एम. परदेशी, वनरक्षक ए. एस. पाडवी, आर. झेड. पावरा, पी. एफ. पाडवी, डी. के. पाडवी.

श्रीमती जे. एम. वळवी, आर. जे. पावरा, एम. एच. तडवी, यू. सी. पावरा, एस. बी. भंडारी, जी. बी. तडवी, वनमजूर शिवाजी पाडवी यांनी केली. वनपाल बी. एम. परदेशी तपास करीत आहेत.