Dhule News : जखाणे (ता. शिंदखेडा) येथील शेतकऱ्यांच्या शेवाडे गावशिवरातील शेतातून ट्रॅक्टरचे शेतीचे उपयोगी नांगर, रोटावेटर, वखरण्याची मोठी पास, ट्रॅक्टरची बॅटरी व पाच एचपी विहिरीवरील व इलेक्ट्रिक मोटार असा एकूण २८ हजार रुपयांच्या वस्तूवर शुक्रवारी (ता. २) रात्री चोरट्यांनी डल्ला मारला आहे.

शिंदखेडा पोलिस ठाण्यात शनिवारी (ता. ३) चोरीचा गुन्हा दाखल करण्यात आला. (Agricultural implements theft by thieves Dhule Crime news)

जखाणे येथील भटू गुलाबराव पाटील (वय ४०) यांची शेवाडे गावशिवरात शेत गट क्रमांक ४५१ मध्ये टी.के. कंपनीचे काळे रंगाचे नांगर पाच हजार रुपये, शक्ती कंपनीचे लाल-भगवा रंगाचे रोटावेटर, दहा हजार रुपये, तीन हजार रुपये किमतीची एक्साइड कंपनी ट्रॅक्टरची बॅटरी, चार हजार रुपये किमतीची लोखंडाची वखरण्याची मोठी पास व सहा हजार रुपये किमतीची लक्ष्मी कंपनीची पाच एचपी पॉवरची इलेक्ट्रिक मोटार असे एकूण २८ हजार रुपये किमतीच्या साहित्यावर चोरट्याने डल्ला मारला.

याबाबत शेतकरी भटू पाटील यांनी शिंदखेडा पोलिस ठाण्यात शनिवारी दुपारी चोरट्यांविरोधात फिर्याद दिल्यावरून चोरीचा गुन्हा दाखल करण्यात आला. पोलिस निरीक्षक सुनील भाबड यांच्या मार्गदर्शनाखाली पोलिस नाईक प्रशांत पवार तपास करीत आहेत.

हेही वाचा : Credit Card फसवणूक....काय घ्याल काळजी?