Dhule News : रस्ता सुरक्षा अभियानांतर्गत शहर वाहतूक शाखा व प्रादेशिक परिवहन विभागातर्फे धुळे शहरात हेल्मेट वापराविषयी जनजागृतीसाठी रॅली काढण्यात आली. राज्य शासनाच्या निर्देशानुसार १५ जानेवारी ते १४ फेब्रुवारीदरम्यान रस्तासुरक्षा अभियान राबविण्यात येत आहे.

त्या अनुषंगाने शहर वाहतूक शाखा व प्रादेशिक परिवहन विभागाकडून १८ जानेवारीला सकाळी दहा ते साडेअकरादरम्यान धुळ्यात हेल्मेट जनजागृती रॅली काढण्यात आली. (Awareness about helmet use in dhule news)

रॅलीत मोटार ड्रायव्हिंग स्कूलच्या कार व इतर वाहनांनीदेखील सहभाग नोंदविला. शहरातील संतोषीमाता चौकात पोलिस उपअधीक्षक एस. हृषीकेश रेड्डी यांनी रॅलीस हिरवा झेंडा दाखविला.

तेथून ही रॅली धुळे महापालिका-देवपूर (जयहिंद चौक)-टॉवर बगीचा-बारा पत्थर-फाशीपूल-दसेरा मैदान-कोरकेनगरमार्गे चाळीसगाव चौफुली अशी काढण्यात आली.

या रॅलीचा चाळीसगाव चौफुली येथे समारोप झाला. रॅलीतील वाहनचालकांनी वाहनांवर जनजागृतीपर संदेश लिहिलेले स्टिकर्स चिकटवले होते.

हेल्मेट वापराचे महत्त्व रॅलीतून पटवून देण्यात आले. प्रबोधनात्मक घोषणा देऊन हेल्मेट वापराचे आवाहन केले.

एआरटीओ चारुदत्त व्यवहारे, शहर वाहतूक शाखेचे सहाय्यक पोलिस निरीक्षक भूषण कोते, संदीप ठाकरे, सुनील इनमुलवार, हेमंत सोनार, फारूक शेख, विनोद हिरे, मुकेश माळी, रवींद्र शिंदे, हृषीकेश कुंगर, श्रद्धा पगार, मोर्या युनियनचे अध्यक्ष मिलिंद बैसाणे.

सुनील चौधरी, शरद गोसावी, सुकेशनी बैसाणे, राजरत्न बैसाणे, श्री. राजपूत, श्री. बेडसे, श्री. सातपुते, श्री. दांडगे, श्री. मोरे, श्री. पांडे यांच्यासह इतर अधिकारी, कर्मचारी रॅलीत सहभागी झाले.