Dhule News : धुळ्यामध्ये भीषण अपघाताची घटना घडली आहे. भरधाव वेगात असलेल्या ट्रकने दुसऱ्या वाहनाला जोराची धडक देऊन तब्बल एक ते दीड किलोमीटरपर्यंत फरफटत नेलं. या घटनेत पत्रकार हर्षद भदाणे यांचा मृत्यू झाला आहे.

(Harshal Bhadane Accident)

धुळे शहरापासून काही किलोमीटर अंतरावर हा अपघात झाला. ट्रकवरील नियंत्रण सुटलेल्या चालकाने काही वाहनांना चिरडले. या विचित्र अपघातात एकाचा जागीच मृत्यू झाला तर तीन जण गंभीर जखमी झाले आहेत.

घटना एवढी भीषण होती की, भरधाव ट्रकने चिरडलेल्या वाहनास जवळपास अर्धा ते एक किलोमीटरपर्यंत फरफट नेले. परिसरातील नागरिकांनी ट्रकचा पाठलाग केला. त्यामुळे बिथरलेल्या ट्रक चालकाने आणखी दोन वाहनांना उडवले.

या घटनेमध्ये पत्रकार हर्षल भदाणे यांचा मृत्यू झाला आहे. पोलिसांनी ट्रक चालक व वाहकास ताब्यात घेतले आहे. घटनेनंतर संतप्त नागरिकांनी ट्रकवर दगडफेक करत ट्रकच्या काचा फोडल्या.

अपघातातील जखमींना धुळे जिल्हा रुग्णालयात दाखल करण्यात आलेलं आहे. पोलिसांनी ट्रक चालकाला ताब्यात घेतलं आहे. अपघातात मृत पावलेले हर्षल भदाणे हे सध्या 'टाईम्स नाऊ मराठी'साठी काम करत होते.