Dhule News : मालवण (ता. वरला, जि. बडवानी, मध्य प्रदेश) येथील एका तरुणास शहरातील चाळीसगाव रोड चौफुलीवर गांजा बाळगताना स्थानिक गुन्हे अन्वेषण शाखेच्या (एलसीबी) पथकाने ताब्यात घेतले. त्याच्याकडून दोन लाख ७४ हजार ८०० रुपयांचा गांजा जप्त केला. त्याच्याविरुद्ध चाळीसगाव पोलिस ठाण्यात गुन्हा दाखल झाला. बबलू सखाराम खरते (वय ३३, रा. मध्य प्रदेश) हा गांजा बाळगून असल्याची माहिती एलसीबीचे पोलिस निरीक्षक श्रीराम पवार यांना सोमवारी (ता. २९) मिळाली. (Dhule Crime News)

त्या अनुषंगाने श्री. पवार यांनी पथकास कारवाईची सूचना दिली. पथकाने शहरातील चाळीसगाव चौफुली येथून संशयित बबलू खरते याला ताब्यात घेतले. त्याच्या ताब्यातून चार वेगवेगळ्या प्लॅस्टिकच्या पाकिटांमधील दोन लाख ७४ हजार ८०० रुपयांचा गांजा जप्त केला.

सदेसिंग चव्हाण यांच्या फिर्यादीनुसार बबलू खरते याच्याविरुद्ध चाळीसगाव रोड पोलिस ठाण्यात गुन्ह्याची नोंद झाली. पोलिस अधीक्षक श्रीकांत धिवरे, अपर पोलिस अधीक्षक किशोर काळे. (latest marathi news)

पोलिस उपअधीक्षक एस. ऋषीकेश रेड्डी यांच्या मार्गदर्शनाखाली एलसीबीचे पोलिस निरीक्षक श्रीराम पवार, श्रीकृष्ण पारधी, प्रकाश पाटील, अमित माळी, संजय पाटील, संदीप सरग, सदेसिंग चव्हाण, संतोष हिरे, संदीप पाटील.

मायूस सोनवणे, तुषार सूर्यवंशी, प्रकाश सोनार, योगेश जगताप, किशोर पाटील, अतुल निकम, जीवन बोरसे, शरद लेंढे, डी. एम. गवारे यांच्या पथकाने ही कारवाई केली.