Dhule News : शिंदखेडा शहरातील परिवहन महामंडळाच्या बसस्थानकासमोरील मातोश्री लॉजवर मंगळवारी (ता. १६) सकाळी अकराच्या सुमारास अश्लील चाळे करताना विवाहित महिलेसह तीन कॉलेज तरुणी व तीन तरुण असे शिंदखेडा पोलिसांना छाप्यात सापडल्याने पोलिस निरीक्षक दीपक पाटील यांनी ३५ प्रमाणे लॉजमालक व वेटरला नोटीस बजावली.

या लॉजवर अश्लील चाळे करण्यासाठी जागा उपलब्ध करून देत असल्याची गुप्त बातमी शिंदखेडा पोलिस ठाण्याचे निरीक्षक दीपक पाटील यांना मिळाल्यावरून हवालदार इकलाख पठाण, हवालदार अनंत पवार.

हवालदार हेमराज जाधव, महिला पोलिस कर्मचारी सुनीता परदेशी, रजनी पाटील व चालक चेतन माळी यांनी लॉजवर मंगळवारी छाप्यात तीन तरुण व चार तरुणी अश्लील चाळे करताना मिळून आले. (latest marathi news)

शिंदखेडा शहरातील मातोश्री लॉजमालक हरीश संतोष जाधव (४२, रा. जाधवनगर, शिंदखेडा) व लॉजवरील वेटर अनिल बळिराम वरसाळे (रा. शिंदखेडा) यांना पोलिस निरीक्षक पाटील यांनी फौजदारी कायदा ३५ प्रमाणे नोटीस बजावली.