Dhule Cloud Burst : गेल्या सोमवारी (ता.२२) ढगफुटी सदृश मुसळधार पाऊस झाला. या पावसाने शेती शिवारातील बांध बंदिस्ती फुटले. एका शेतीतील पाणी दुसऱ्‍या शेतीत शिरल्याने मोठे नुकसान झाले. तुझ्या शेतातील पाणी माझ्या शेतात शिरले. यावरून बांध शेजाऱ्‍यांमध्ये भांडणे जुंपली आहेत. यामुळे मुसळधार कोसळला अन भांडणे लावून गेला, असा मनस्ताप पावसाबाबत शेतकऱ्‍यांमधून व्यक्त होत आहे. ( rain heavily like cloud burst Due to this rain dams in agricultural area burst)

कापडणे परिसरातील धनूर, तामसवाडी, कौठळ, न्याहळोद, जापी, बिलाडी, धमाणे, तिसगाव, ढंढाणे, वडेल, सरवड व देवभाने शिवारात ढगसदृश मुसळधार पाऊस झाला. या पावसामुळे ठिकठिकाणी शेतीचे बांध फुटले होते. एका शेतीचे पाणी दुसऱ्‍या शेतात, दुसऱ्‍याचे तिसऱ्‍या शेतात शिरले. बांध कोरून कोरून लहान झाले आहेत. त्यामुळे हे बांध फुटल्याचे बोलले जात आहे. पाण्याचा प्रवाह जोरदार असल्याने अनेकांची शेती खरडली गेली आहे. (latest marathi news)

यामुळे आधीच बांधावरून भांडणाऱ्या शेतकऱ्यांमध्ये पुन्हा एकदा बांधच फुटल्याने जुंपली आहे. काहींच्या शेतातील ठिबकच्या नळ्या वाहून गेल्या आहेत. काही शेतकऱ्‍यांची शेती खरडली गेल्याने पीक घेणे अशक्य झाले आहे. लाखोंची जमीन वाळवंटासारखी झाली आहे. नापिक झाली आहे. अल्पभूधारक शेतकरी कर्जबाजारी झाले आहेत. पावसाळ्यानंतर नदीतील वा बंधाऱ्‍यातील गाळ टाकूनच ही जमीन सुपीक करावी लागणार असल्याचे शेतकऱ्यांकडून सांगितले जात आहे.

शेतीबांध असावेत मोठे

तीन वर्षांपूर्वी शेतीचे बांध मोठ-मोठे होते. यामुळे पाण्यापासून बचावासाठी बांधबंदीस्तीसाठी विशेष अनुदानही शासनाकडून दिले जात होते. नुकसान टाळण्यासाठी शेतकऱ्‍यांनी पुन्हा एकदा बांधाला न कोरता बांधबंदिस्तीकडे लक्ष देणे गरजेचे असल्याचे मत जाणकार शेतकऱ्‍यांमधून व्यक्त होत आहे.