कापडणे : खानदेशातील तेरा कुळांची कुलदैवत जोगाईमाता, खलाणे कुळाची कुलदैवत पाचपावली माता आणि अखिल वाणी समाजाचे कुलदैवत अन्नपूर्णा मातेचा यात्रोत्सव सोमवार (ता. २२)पासून चैत्र चतुर्दशीपासून सुरू होत आहे. यात्रेसाठी खानदेशासह राज्यभरातून भाविक दर्शनासाठी गर्दी करतात. 9Dhule yatra of Kuladevata in Kapadane from today)

जावळ आणि शेंडी अर्पण करण्यासह विविध नवस पूर्ण करण्यासाठी भाविकांची मांदियाळी वाढणार आहे. पाणीटंचाईच्या पार्श्वभूमीवर पाण्याची व्यवस्था विश्वस्त मंडळांनी केली आहे. कापडणे हे धुळे शहरापासून अवघे सोळा आणि मुंबई-आग्रा महामार्गापासून तीन किलोमीटरवर आहे.

जोगाई, अन्नपूर्णा, पाचपावली, जोगाईमाता तेरा कुळांची कुलदेवता आहे. अन्नपूर्णामातेची राज्यात केवळ दोनच प्रतिष्ठापित मंदिरे आहेत. (latest marathi news)

त्यांपैकी एक येथे आहे. राज्यभरातील वाणी समाज येथे वर्षभर दर्शनासाठी येत असतात. पाचपावली माता खलाणे कुळाचे कुलदैवत आहे.

"यात्रेची तयारी पूर्ण झाली आहे. भाविकांना वाढत्या तापमानाचा फटका बसू नये म्हणून गार पाण्यासह थंडपेयाचीही व्यवस्था केलीय. भाविकांनी तापमानाचा विचार करता पूर्ण खबरदारी घ्यावी. बोकडबळी टाळावा." -अरुण पाटील, अध्यक्ष, जोगाईमाता विश्वस्त मंडळ, कापडणे