कुसुंबा (जि. धुळे) : येथील पुरातन काळातील श्री क्षेत्र कळंबेश्वर मंदिरास श्रावण मासानिमित्त २५ फूट त्रिशुलाचे लोकार्पण करण्यात आले. (Inauguration of 25 feet Trishula at Kusumba Kalambeshwar Temple Latest Dhule News)

येथील एम. के. शिंदे विद्यालयाचे उपशिक्षक मनोहर शिंदे यांच्या संकल्पनेतून व स्वखर्चातून साकारलेला त्रिशुल श्री क्षेत्र कळंबेश्वर मंदिरास श्रावणमासा निमित्त भेट देण्यात आला आहे. त्रिशुलाचे आमदार कुणाल पाटील यांच्या हस्ते पूजन करण्यात आले.

यावेळी विश्वनाथ शिरुडे, प्रा. डॉ. दत्ता परदेशी, प्रा. श्यामकांत शिंदे, संजय शिंदे, प्रा. अमोल शिंदे, रामलाल परदेशी, पी. पी. परदेशी आदींसह ग्रामस्थ उपस्थित होते. त्रिशुलास विलास पांचाळ, कैलास पांचाळ यांनी मूर्त स्वरूप दिले आहे. तर महादेव भक्त दिनेश राजभोज यांच्या सूचकतेनुसार साकारले आहे. त्रिशुलाचे वजन दोन क्विंटल आहे. यावेळी भक्तांना महाप्रसादाचे वाटप करण्यात आले.