धुळे : साक्री शहरातील सरस्वतीनगर येथे चोरट्यांनी घरफोडी करत नऊ तोळे सोन्याचे दागिने लंपास केले. त्यांची किंमत एक लाख ३३ हजार ५०० रुपये एवढी आहे.
राजेश गंगालाल अहिरे (रा. प्लॉट क्रमांक ३१, सरस्वतीनगर, नवापूर रोड, साक्री) यांनी साक्री पोलिसांत दिलेल्या फिर्यादीनुसार २७ जानेवारीला सायंकाळी सहा ते २८ जानेवारीच्या सकाळी आठदरम्यान चोरट्यांनी त्यांच्या घराचा दरवाजाचा कोयंडा तोडून प्रवेश केला. (jewelery worth half lakh looted in Sakri city Dhule Crime News)
कपाटातून एक लाख ३३ हजार ५०० रुपयांचे सोन्याचे दागिने नेले. त्यात ६० हजारांचा सोन्याचा राणीहार, ३० हजारांची सोन्याची चेन, ११ हजार २५० रुपयांचे कानातले जोड, आठ हजार २५०, १५ हजार, साडेचार हजार, दीड हजार व तीन हजार रुपये किमतीच्या सोन्याच्या अंगठ्यांचा यात समावेश आहे.
घटनेची माहिती मिळताच विभागीय पोलिस अधिकारी प्रदीप मैराळे, पोलिस निरीक्षक रवींद्र देशमुख यांनी घटनास्थळी भेट देत पाहणी केली. या प्रकरणी चोरट्यांवर गुन्हा दाखल झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.