सायखेङा-सध्याच्या पिढीत नात्यांचा ओलावा कमी झाला असुन या पिढीत मामाचे गांव हरवले आहे. पण सायखेडा(ता.निफाङ) येथील कुटे परिवारातील सदस्यांनी एकत्र येत सलग तिसर्या वर्षी सामुहिक भाऊबीज आनंदात साजरी केली. बहीण भावांची विण अधिक घट्ट करणाऱ्या या परिवाराने एक वेगळा आदर्श घालून दिला आहे.

   कुटे परिवारातील जगन कुटे, प्रमोद कुटे, राहुल कुटे, अक्षय कुटे, संजय कुटे, महेश कुटे, सागर कुटे, राजेंद्र कुटे , दिपक कुटे  आदींनी यंदाची भाऊबीज एकत्रित साजरी करण्याची संकल्पना मांडली आणि त्यास  सकारात्मक प्रतिसाद मिळाला . यानिमित्ताने दोन दिवसीय कौंटुंबिक स्नेहसंमेलनाचे आयोजन करण्यात आले व पाडव्याच्या दिवशी लहान मुलांचे विविध सांस्कृतिक कार्यक्रम झाले. तसेच बहीण व दाजी यांनी जीवनातील चांगले वाईट अनुभव यानिमित्ताने सर्वांना सांगितले व एकमेकांची ओळख करून देण्यात आली व दरवर्षी असेच यानिमित्ताने भेटण्याचे ठरले. भाऊबीजच्या दिवशी बहिणींनी सर्व भावांना दिर्घायुष्य लाभावे यासाठी ओवाळले व भाऊबीजेचा सामूहिक कार्यक्रम उत्साहात पार पडला. याठिकाणी कुटे परिवारातील 38 भाऊ व 45 बहिणींसह १५० सदस्य उपस्थित होते. दरवर्षी अशीच भाऊबीज साजरी करण्याची संकल्प देखील करण्यात आला.