Nandurbar Crime News : शहादा-खेतिया रस्त्यावर भरदुपारी चोरट्यांनी दुचाकीचा पाठलाग करीत व्यापाऱ्याच्या डोक्यावर लोखंडी रॉडने वार करून त्याच्याकडील पैशांची बॅग लंपास केल्याची घटना घडली. ( merchant was robbed on Shahada-Khetia road nandurbar crime news )
होलसेल किराणा व्यापारी हिरालाल संचेती यांचे मुनीम संतोष पांडू पाटील शहादा येथून व्यापाऱ्यांकडून साखरेची रोख रक्कम जमा करून दुचाकीने खेडदिगरकडे जात असताना दरा फाट्याजवळ सुसरी धरणाच्या वळणरस्त्यावर नंबरप्लेट नसलेल्या दोन दुचाकींवरील चार जणांनी त्यांचा पाठलाग करीत दुचाकीला धडक दिली.
लोखंडी रॉडने हल्ला करीत संतोष पांडू पाटील यांच्याजवळील पैशांची बॅग घेऊन ते पसार झाले. संतोष पाटील यांना खासगी रुग्णालयात दाखल करण्यात आले.
घटनेची माहिती मिळाल्यानंतर उपविभागीय पोलिस अधिकारी दत्ता पवार, शहादा पोलिस ठाण्याचे निरीक्षक शिवाजी बुधवंत, म्हसावदचे सहाय्यक पोलिस निरीक्षक राजन मोरे यांनी घटनास्थळी दाखल होत तपासचक्रे फिरविली.
दरम्यान, शहादा पोलिस ठाण्यात गुन्हा दाखल करण्यात आला .
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.