Nandurbar Accident News : रस्ता चुकलेल्या वाहनाला रस्ता दाखवणाऱ्या व्यक्तीस काळ्या रंगाच्या होंडा सिटी गाडीने रात्रीच्या अंधारात तळोदा-अक्कलकुवा बायपास रस्त्यावर जोरदार धडक दिली. या घटनेत रस्ता दाखविणाऱ्याचा दुर्दैवी मृत्यू झाला.

शनिवारी (ता. १२) रात्री साडेदहाला ही घटना घडली. त्यामुळे हकनाक एकास आपला जीव गमवावा लागला. त्यामुळे अंधाऱ्या रात्रीचा फायदा घेऊन होंडा सिटीत पसार होणारा तो कोण याचा पोलिस शोध घेत आहेत. (Nandurbar Accident News Honda City collided on Taloda Akkalkuwa road one death )

तळोदा ते अक्कलकुवा बायपास रस्त्यावर गायत्री फिल्टर प्लांटच्या पुढे काळ्या रंगाचा होंडा सिटी गाडी (एमएच १२, केटी ४९९१)ने शनिवारी रात्री साडेदहाच्या सुमारास दीपकगिरी हिंमतगिरी गोसाई (वय ४४, रा. जामनगर, लालपूर रोड) यास जोरदार धडक देऊन दुखापत केली. त्यात दीपकगिरी गोसाई यांचा मृत्यू झाला.

दीपक गिरी गुजरातमधून जळगाव येथे जात होते. मात्र गायत्री फिल्टर प्लांट येथे त्यांचे वाहन रस्ता चुकले. त्यात वाहन रस्त्यावर घेऊन जाण्यासाठी ते रस्ता दाखवत होते. त्यात त्यांना काळ्या रंगाच्या होंडा सिटी धडक दिली व त्यात त्यांचा मृत्यू झाला.

रात्रीच्या अंधारात धडक देऊन पळ काढणारा तो नेमका कोण याचा शोध घेण्यात येत आहे. दरम्यान, काळ्या रंगाची होंडा सिटी गाडी पोलिसांनी घटनास्थळावरून पोलिस ठाण्यात आणली आहे.

हेही वाचा : Credit Card फसवणूक....काय घ्याल काळजी?

मात्र वाहनात असलेले मिळून आले नाहीत. त्यामुळे देवेंद्र नेनुजी यांच्या फिर्यादीवरून अज्ञात व्यक्तीविरोधात गुन्हा दाखल करण्यात आला. सहाय्यक पोलिस निरीक्षक अमितकुमार बागूल तपास करीत आहेत.

दरम्यान, काळ्या रंगाच्या होंडा सिटी गाडीच्या वाहनचालक नेमका कोण याबाबत तर्कवितर्क लावले जात आहेत. त्यामुळे त्या अज्ञाताला शोधून काढण्याचे आव्हान पोलिसांना मिळाले आहे.