Nashik Crime News : सोमवार पेठ येथील धनलक्ष्मी ज्वेलर्स दुकान फोडून सोन्या-चांदीचे दागिने चोरी गेल्याची घटना शनिवार (ता. ११) उघडकीस आली.

भद्रकाली पोलिस ठाण्यात संशयितांविरुद्ध गुन्हा दाखल करण्यात आला. (2 lakh theft in gold shop in Somwar Peth nashik news)

तक्रारदार देवेंद्र दंडगव्हाळ यांचे सोमवार पेठ येथे सराफी दुकान आहे. बुधवार (ता. ८) नेहमीप्रमाणे रात्रीच्या सुमारास दुकान बंद करून ते घरी गेले.

काही कारणास्तव गुरुवार (ता. ९) दुकान उघडले नाही. शुक्रवारी (ता. १०) दुकानाच्या मागील बाजूचा दाराचा कडीकोयंडा तुटला असल्याचे त्यांच्या निदर्शनात आले.

दुकानात प्रवेश करून पाहणी केली असता, चांदीची भांडी, हळदी-कुंकूचे करंडे, पाने, तोरड्या अशा विविध प्रकारच्या अडीच किलो चांदीच्या वस्तू, दागिने आणि सोन्याचे दागिने असा सुमारे दोन लाखांचा ऐवज चोराने लंपास केला.

गजबजलेल्या परिसरात अशाप्रकारे चोरी झाल्याने परिसरातील आश्चर्य व्यक्त करण्यात आले. श्री. दंडगव्हाळ यांनी घडलेल्या प्रकाराची पोलिसांना माहिती दिली. पोलिसांनी घटनास्थळी दाखल होत पाहणी केली. अधिक तपास सुरू आहे.