New Voter Registration : लोकसभा व विधानसभा निवडणुकीच्या दृष्टीने जिल्ह्यात ५८ हजार ८०३ नवमतदारांनी नोंदणी केली आहे. विशेष म्हणजे यातील ८० मतदारांनी आयोगाच्या संकेतस्थळावर ऑनलाइन नोंदणी केल्याचे निवडणूक विभागाने म्हटले आहे.
जिल्ह्यात मतदार नोंदणी अभियान राबविले जात आहे. निवडणूक विभागातर्फे नवमतदारांची ऑनलाइन व ऑफलाइन अशा दोन्ही पद्धतीने नोंदणी केली जाते. ऑफलाइन नोंदणी करण्यासाठी बीएलओंची नियुक्ती करण्यात आली आहे. (80 percent online registration of new voters nashik news)
मात्र, त्याला अत्यल्प प्रतिसाद मिळत असल्याचे दिसून येते. सर्वाधिक पसंती ही ऑनलाइनला मिळत असल्याचे गेल्या अकरा महिन्यांतील आकडेवारीवरून सिद्ध होते. जानेवारी ते नोव्हेंबर २०२३ या कालावधीत जिल्ह्यातील एकूण ५८ हजार ८०३ मतदारांची नोंद झाली आहे. यातील ८० टक्के मतदारांनी ऑनलाइन नोंदणी केल्याचे दिसून येते.
त्यापैकी कागदपत्रांअभावी सात हजार ३७२ मतदारांची नोंदणी रद्द करण्यात आली असून, ३३ हजार ५६४ मतदारांची नोंदणी निवडणूक विभागाकडे अद्याप प्रलंबित आहे. निवडणूक विभागातर्फे दरवर्षी ५ जानेवारीला सुधारित मतदार यादी प्रसिद्ध केली जाते.
त्यानंतर वर्षभर ही यादी अद्ययावत करण्याचे काम चालते. यात नवमतदार, दिव्यांगांची नोंदणी केली जाते. मतदार यादीत नाव असलेल्या व्यक्तींच्या नावात दुरुस्ती, पत्त्यातील बदल ऑनलाइन व ऑफलाइन पद्धतीने केले जातात.
अशी झाली नोंदणी
जानेवारी ते आजअखेर जिल्ह्यातील ५८ हजार ८०३ नवमतदारांनी नोंदणी केली आहे. त्यापैकी ४५ हजार ४६८ मतदारांनी ऑनलाइन नोंदणी केली. एक हजार १११ मतदारांनी फक्त ऑफलाइन म्हणजेच पारंपरिक पद्धतीने नोंद केली. यावरून नवमतदार हे ऑनलाइन नोंदणीला प्राधान्य देत असल्याचे दिसून येते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.