Nashik News : राज्यात खरिपाच्या आतापर्यंत ८४ टक्के क्षेत्रावर पेरण्या झाल्या आहेत. छत्रपती संभाजीनगर विभागात ९२, लातूरमध्ये ९०, अमरावतीत ९४ टक्के पेरण्या उरकल्या असून, पेरण्यांत हे तीन विभाग आघाडीवर आहेत.

तसेच, नाशिक विभागात ८५, नागपूरमध्ये ७७ टक्के, कोकणात ६१, पुणे विभागात ६५, कोल्हापूरमध्ये ५४ टक्के पेरण्या झाल्या आहेत. (84 percent sowing in kharif crop state Chhatrapati Sambhaji Nagar Latur Amravati division in front Nashik News)

भातावर पिवळी खोडकीड, निळे भुंगेरे या किडींचा, सोयाबीनवर हेलीकोव्हर्पा, तंबाखूवरील पाने खाणारी अळी, चक्रीभुंगा, उंट अळी, शंखी गोगलगाय, मका पिकावर लष्करी अळी, तर कपाशीवर मर रोगाचा प्रादुर्भाव आढळू लागला आहे.

राज्यात काही टिकाणी भात, नाचणीची धूळवाफ पेरणी झाली असून, रोपवाटिकेतील भात, नाचणीची रोपांची पुनर्लागवडीची कामे सुरू झाली. कपाशी, मका, सोयाबीन, तूर, ज्वारी, भुईमूग पिके उगवण ते रोपापासून वाढीच्या अवस्थेत आहेत.

मूग, उडीद पिकांचे क्षेत्र सोयाबीन, कपाशी, मका व तुरीकडे वर्ग होण्याची शक्यता अधिक आहे. नाशिक विभागातील नाशिक जिल्ह्यात ७५, धुळे आणि नंदुरबारमध्ये प्रत्येकी ८५, जळगावमध्ये ९३ टक्के पेरणी झाली.

हेही वाचा : Credit Card फसवणूक....काय घ्याल काळजी?

राज्यातील खरीप पेरणीची स्थिती (पेरणीचे आकडे टक्केवारीत)

पिकाचे नाव लागवड/पेरणी

भात ५५

ज्वारी ३३

बाजरी ३३

रागी ३४

मका ८०

तूर ७७

मूग ३७

उडीद ५०

भुईमूग ५४

तीळ २५

कारळे ३०

सूर्यफूल ६

सोयाबीन १०९

कपाशी ९६