Nashik Crime News : श्री क्षेत्र चंदनपुरीत श्री खंडेराव महाराजांचा यात्रोत्सव सुरु असताना मध्यरात्री दोघांना लुटण्याचा प्रकार घडला. शिवारातील नायरा पेट्रोल पंपाजवळ दोघांना बंदुकीचा धाक दाखवून जबरी चोरी करण्याचा अयशस्वी प्रयत्न झाला.
चंदनपुरी रस्त्याने जाणाऱ्या या दोघांनी प्रतिकार केल्याने संशयितांचा प्रयत्न निकामी झाला. (attempt was made to rob two people at gunpoint in Chandanpuri Shiwar nashik crime news)
यातून एकाने बंदुकीतून गोळी झाडली. त्यावेळी ती छऱ्याची बंदूक असल्याचे स्पष्ट झाले. मंगळवारी (ता. ५) रात्री हा प्रकार घडला. चंदनपुरी येसगाव रस्त्याने समाधान धोंडू सूर्यवंशी (वय २४, रा. मळगाव, ता. मालेगाव) व त्यांचा चुलत भाऊ हे दुचाकीने घराकडे जात होते. चंदनपुरी शिवारातील नायरा पेट्रोल पंपाजवळ त्यांना हातवारे करुन तीन अनोळखी व्यक्तींनी थांबविले.
रात्रीची वेळ असल्याने मदतीसाठी थांबविण्याचा संबंधितांचा समज झाला. दोघे थांबताच त्यांच्यावर बंदूक रोखून, धाक दाखवून जबरदस्तीने समाधान व चुलत भावाच्या पॅन्टच्या खिशातून मोबाईल व पाकीट हिसकाविण्याचा प्रयत्न झाला. तेव्हा दोघांनी प्रतिकार केला असता तिघांपैकी एकाने बंदुकीतून समाधानवर गोळी झाडली.
गोळी झाडल्यानंतर ती छऱ्याची बंदूक असल्याचे लक्षात आले. बंदुकीचा छरा लागल्याने त्याच्या पोटाच्या उजव्या बाजूस मार लागून दुखापत झाली. समाधानच्या तक्रारीवरून किल्ला पोलिस ठाण्यात संशयितांविरुद्ध जबरी चोरीचा प्रयत्न करण्याचा गुन्हा दाखल करण्यात आला आहे. यात्रोत्सव सुरु असल्याने या रस्त्यावर सध्या दिवस रात्र वर्दळ असते. अशातच हा प्रकार घडल्याने परिसरातील प्रवासी व रहिवासी यांच्यामध्ये भीतीचे वातावरण आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.