येवला (जि. नाशिक) : तुमच्या मुलीला जादूटोणा झाला आहे सांगत भोंदूबाबा व त्याच्या भाऊ आईसह तिच्या तिन्ही मुलींवर सलग दोन वर्षांच्या पासून बलात्कार करायचा. या संदर्भात दोन जणांवर बलात्कार तसेच धमकी देऊन पैसे उकळण्या संदर्भात गुन्हा दाखल झाला असून पोलिसांनी या भोंदूबाबा व त्याच्या भावास ताब्यात घेतले आहे.

धर्मांतरासाठी केले प्रवृत्त

मुलीचे लग्न जमत नसल्याने तालुक्यातील नागडे गावातील एका बाबाकडे गेली असता बाबाने मुलीला जादूटोणा झाला आहे असे सांगत आईसह तिन्ही मुलींना पिण्याच्या पाण्यातून गुंगीचे औषध देऊन तसेच वेळोवेळी चाकूचा धाक दाखवत फिर्यादी मुलीवर बलात्कार करून त्याचा व्हिडीओ काढून आई व इतर दोन मुलींवर सातत्याने अत्याचार केले. संशयित आरोपी सुफी अजीज अब्दुल बाबा व जब्बार शेख या दोघांनी तब्बल दोन वर्षे ४ महिने वेळोवेळी आई व त्याच्या तिन्ही मुलींनर बलात्कार करून ब्लॅकमेल करत पैशाची मागणी देखील केली. तसेच एका मुलीस हिंदू धर्माबद्दल द्वेष निर्माण करून मुस्लिम बनण्यास प्रवृत्त केले. याप्रकरणी शहर पोलिसात गुन्हा दाखल झाला असून दोन आरोपींना पोलिसांनी ताब्यात घेतले आहे.

येवला शहर पोलिस अधिक तपास करीत आहेत. मनमाड उपविभागीय पोलिस अधिकारी समीरसिंग साळवे, पोलिस निरीक्षक भगवान मथुरे यांनी याप्रकरणी भेट देऊन माहिती घेतली.