Chandrashekhar Bawankule : सिन्नर विधानसभा निवडणूक भारतीय जनता पक्षातर्फे यंदा लढवायची आणि जिंकायचीच आहे, असा निश्चय करून पदाधिकारी आणि कार्यकर्त्यांनी कामाला लागावे. सिन्नरचा पुढचा आमदार भाजपचाच असला पाहिजे, असा निर्धार प्रदेशाध्यक्ष चंद्रशेखर बावनकुळे यांनी येथे केला.

शहरातील भाजपच्या कार्यालयाचे प्रदेशाध्यक्ष बावनकुळे यांच्या हस्ते रविवारी (ता. ९) उद्‌घाटन झाले. त्या वेळी ते बोलत होते. (Chandrashekhar Bawankule BJP will contest Sinnar Assembly seat this year nashik political news)

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

प्रदेश सरचिटणीस विजय चौधरी, प्रदेश प्रवक्ते लक्ष्मण सावजी, तालुका प्रभारी जयंत आव्हाड, तालुकाध्यक्ष भाऊसाहेब शिंदे, शहराध्यक्ष बाळासाहेब हांडे आदी उपस्थित होते. श्री. बावनकुळे यांनी शहरातील मध्यवर्ती ठिकाणी असलेल्या पक्षाच्या कार्यालयाचे उद्‌घाटन केले.

माळेगाव येथील उद्योजक गौतम गजरमल यांनी या वेळी भाजपमध्ये प्रवेश केला. ज्ञानेश्वर कुऱ्हाडे, किरण सांगळे, संकेत काकड, राजेश घुगे, सविता कोठुरकर, योगिता खताळे, रोहिणी कुरणे, प्रियंका द्विवेदी, वसंत ढाकणे, सजन सांगळे, प्रमोद उगले, विष्णू सानप, सुशांत काळे, डॉ. गायकवाड, डॉ. श्रीमाळी, नाना बाबर, ॲड. नवले, अक्षदा दामले, रूपाली काळे, सुमन जोशी, मंगेश परदेशी, पंडित कांबळे, आचार्य गुरू, ज्ञानेश्वर कांगणे आदींसह शेकडो कार्यकर्ते उपस्थित होते.