नाशिक : सावित्रीबाई फुले पुणे विद्यापीठांतर्गत (SPPU) बी.एस्सी. कॉम्प्युटर सायन्स (BSc Computer Science) अभ्यासक्रमांच्‍या अंतिम वर्षाच्‍या परीक्षा वेळापत्रकात बदल केलेला आहे.

लेखी पेपरच्‍या तारखेत एमसीए सीईटी (MCA CET) ही प्रवेशपरीक्षादेखील घेण्याचे नियोजित असल्‍याने विद्यार्थ्यांच्‍या हितासाठी परीक्षेच्‍या तारखांमध्ये बदल करत असल्‍याचे नमूद केले आहे. (Changes in BSc Computer Exam due to CET nashik education Latest Marathi News)

परीक्षा वेळापत्रकातील बदलाबाबत पुणे विद्यापीठातर्फे महाविद्यालय, विद्यार्थ्यांसाठी सूचनापत्रक जारी केलेले आहे. त्‍यानुसार बी.एस्सी. कॉम्‍प्‍युटर सायन्‍स या पदवी अभ्यासक्रमाची अंतिम वर्षाची परीक्षा आणि एमसीए सीईटी परीक्षा एकाच दिवशी आल्याने लेखी परीक्षेच्‍या वेळापत्रकात बदल जाहीर केला आहे.

तृतीय वर्ष बी.एस्सी. (कॉम्‍प्‍युटर सायन्‍स) परीक्षेचे सुधारित वेळापत्रक प्रसिद्ध केले आहे. यापूर्वी २ ते ५ ऑगस्‍टदरम्‍यानचे विविध विषयांचे लेखी पेपर १३ ते १९ ऑगस्‍टदरम्‍यान घेतले जातील.

यामध्ये फाउंडेशन्स ऑफ डेटा सायन्‍स विषयाचा पेपर १८ ऑगस्‍ट, ऑबजेक्‍ट ओरिएंटेड प्रोग्रॅमिंग युझिंग जावा-१ चा पेपर १९ ऑगस्‍टला आणि ऑब्जेक्टिव्ह ओरिएंटेड प्रोग्रॅमिंग युझिंग जावा-२ विषयाचा पेपर १३ ऑगस्‍टला घेतला जाईल. कॉम्‍पिलियर कन्स्ट्रक्शन विषयाचा पेपर १७ ऑगस्‍टला घेतला जाणार आहे.