मालेगाव (जि. नाशिक) : शहरातील कुसुंबा रोड भागातील गवळीवाडा येथे घराच्या छतावर पत्रे टाकण्याच्या वादातून शोएब सुलेमान खान व निझाम शेख सहिद या दोघाच्या गटात जोरदार हाणामारी झाली. या मारहाणीत दोघेजण जबर जखमी झाले.
दोन्ही गटांच्या परस्पर विरोधी तक्रारीवरून बारा जणांविरुद्ध दंगल व मारहाणीचा गुन्हा दाखल करण्यात आला. (Clash between 2 groups in Gawliwada area of Malegaon case filed against 12 persons Nashik Crime News)
हेही वाचा : एका मुलाखतीतून उलगडलेले भैरप्पा!
शोएब खान यांनी दिलेल्या तक्रारीत म्हटले, की घरावर पत्रे टाकण्याची कुरापत काढून माझ्यासह भाऊ अरबाज, आते भाऊ मोसीन, आत्या व भावजयीला निझाम शेख, गुलाम शेख, आदील, कामील (पूर्ण नाव समजू शकले नाही) व तीन अनोळखी इसमांनी लोखंडी रॉड, चाकू व लाठ्या-काठ्यांसह मारहाण केली. आत्या व भावजयीला नसीमाबानो व अन्य संशयितांनी लाथाबुक्क्यांनी मारहाण करून शिवीगाळ केली असे तक्रारीत म्हटले आहे.
याउलट निझाम शेख याने दिलेल्या तक्रारीत सुलेमान खान, मोहसीन, शहबाज, अरबाज (पूर्ण नावे समजू शकली नाही) व अन्य संशयित अशा पाच जणांनी याच वादातून भाऊ बुरहान व आईस मारहाण केली. मी भांडण सोडविण्यास गेलो असता शहबाजने तसेच अन्य संशयितांनी काठी व लाथाबुक्क्यांनी जबर मारहाण केल्याचे तक्रारीत म्हटले आहे.
मारहाणीची माहिती समजताच सहाय्यक पोलिस निरीक्षक प्रीती सावजी, उपनिरीक्षक अनिल पठारे व सहकारी घटनास्थळी दाखल झाले. पोलिस पोचण्यापूर्वीच संशयित फरार झाले होते. शहर पोलिस ठाण्यात परस्पर विरोधी तक्रारीवरून बारा जणांविरुद्ध दंगल व मारहाणीचा गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.