NMC News : शहरात सुरू असलेली रस्त्यांची कामे व यापूर्वीच्या दोन, अडीच महिन्यात झालेल्या कामांची स्वतः पाहणी करणार असून रस्त्यांवर खड्डे आढळल्यास ठेकेदारांना दोषी ठरवून त्यांना काळ्या यादीत टाकले जाणार असल्याची माहिती महापालिकेच्या प्रभारी आयुक्त भाग्यश्री बानायत यांनी दिली. (Commissioner Bhagyashree Banayat warning to construction contractors about potholes road NMC News)

हेही वाचा : Credit Card फसवणूक....काय घ्याल काळजी?

शहरात अद्याप मुसळधार पावसाला सुरवात झाली नाही. परंतु रस्त्याबाबत आतापासूनच नागरिकांच्या मोठ्या प्रमाणात तक्रारी सुरू झाल्या आहे. त्या पार्श्वभूमीवर महापालिकेच्या आयुक्त बाणायत यांनी रस्ते कामांची गंभीर दखल घेत रस्त्यांची तपासणी करण्याचा निर्णय घेतला आहे.

नव्याने कामे झालेल्या व सध्या कामे सुरू असलेल्या रस्त्यांवर खड्डे आढळून आल्यास ठेकेदारांना काळ्या यादीत टाकण्याच्या सूचना त्यांनी दिल्या आहेत. लायबिलिटी कालावधीतील रस्त्यांची विशेष काळजी घेण्याचे निर्देश त्यांनी केले आहेत.

त्याचबरोबर स्मार्टसिटीमार्फत सुरू असलेल्या कामांचीदेखील त्यांनी झाडाझडती घेतली. पावसाळ्याच्या पार्श्वभूमीवर सुरू असलेली कामे वेळेत पूर्ण करून नागरिकांना त्रास होणार नाही, या संदर्भात सूचना दिल्या.