LLB CET : पदवीनंतर तीन वर्षे कालावधीच्‍या एलएलबी अभ्यासक्रमाच्‍या प्रवेशासाठी होणाऱ्या सीईटीच्या नोंदणीसाठी पुन्‍हा एकदा ऑनलाईन अर्ज करण्याची संधी उपलब्‍ध करुन दिलेली आहे. त्‍यानुसार येत्‍या गुरुवार (ता. २०) पर्यंत अर्ज भरुन परीक्षा शुल्‍क अदा करता येणार आहे. (Deadline for LLB CET also till tomorrow nashik news)

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

तीन वर्षे कालावधीच्‍या एलएलबी अभ्यासक्रमासाठी सीईटी परीक्षा येत्‍या २ व ३ मेस होणार आहे. महाराष्ट्र व राज्‍याबाहेरदेखील ही परीक्षा होणार आहे. पदवीनंतर विधी शाखेत शिक्षणाची संधी असलेल्‍या या अभ्यासक्रमाच्‍या नोंदणीसाठी आणखी एक संधी देण्याच्‍या उद्देशाने नोंदणी प्रक्रियेला मुदत दिलेली आहे.

त्‍यानुसार बुधवार (ता. १९) आणि गुरुवार असे दोन दिवस वाढीव मुदतीत नोंदणी करता येणार आहे. यापूर्वी नोंदणी केलेले; परंतु अर्ज अपूर्ण असलेल्‍या विद्यार्थ्यांना शुल्‍क भरुन कागदपत्रांची पूर्तता करुन सीईटी परीक्षेला सामोरे जाता येईल.