नाशिक : पाण्याची इलेक्ट्रिक मोटार सुरू करण्यासाठी गेलेल्या महिलेचा वीजेचा धक्का बसल्याने मृत्यू झाला. याप्रकरणी सातपूर पोलिस ठाण्यात आकस्मात मृत्यूची नोंद करण्यात आली आहे.

सुनीता गौतम पगारे (वय ४०), असे मृत महिलेचे नाव आहे. शनिवारी (ता. २१) सकाळी साडेसातला सुनीता पगारे यांनी घरात इलेक्ट्रिक मोटार चालू करण्यासाठी बोर्डाला पिन लावली असताना डाव्या हातात शॉक लागल्याने बेशुद्ध पडल्या. त्यांना पती गौतम पगारे यांनी जिल्हा रूग्णालयात उपचारासाठी दाखल केले असता, डॉक्टरांनी तपासून मृत घोषित केले.