Nashik Kalyan Local News: नाशिककरांना मुंबईची कनेक्टिव्हिटी वाढविणारी नाशिक कल्याण मेमू (मेन लाइन इलेक्ट्रिकल मल्टिपर्पज युनिट) लोकल सुरू होणार की नाही, याचा निर्णय लखनौच्या रिसर्च डिझाइन ॲन्ड स्टॅंडर्ड ऑर्गनायझेशनने इन्स्पेक्शन केल्यावरच होणार आहे. (Decision whether to start Kalyan local or not on inspection nashik news)

ही लोकल सुरू करण्यासाठी राजकीय इच्छाशक्तीचा अभाव असल्याचे या प्रकल्पाची संकल्पना मांडणारे रेल्वे इंजिन तज्ज्ञ वामन सांगळे यांनी म्हटले आहे. गेल्या पाच वर्षांपासून नाशिक-कल्याण लोकलचा गाजावाजा सुरू आहे.

श्री. सांगळे यांच्या संकल्पनेतून खासदार हेमंत गोडसे यांनी लोकसभेत या प्रकल्पाची मागणी केली होती.त्यानंतर ३५ कोटी रुपयांची लोकल बनवून कुर्लाकार शेडला आली.

या लोकलच्या चाचणीसाठी ‘आरडीएसओ’ने अजूनही सकारात्मकता दर्शविलेली नाही. नाशिक-कल्याण लोकलच्या टेस्टिंगसाठी नऊ लाख रुपये मंजूर झाले होते.

मात्र, ही टेस्टिंगही झालेली नाही. दरम्यान, शासन प्रकल्पासंदर्भात उदासीन आहे. नाशिकची कनेक्टिव्हिटी वाढवायची असेल तर हा प्रकल्प शासनाने कार्यान्वित करायला हवा, असे श्री. सांगळे यांनी म्हटले आहे.