नाशिक : स्पाइस जेट कंपनीकडून ४ ऑगस्टपासून दिल्ली- नाशिक हवाईसेवेला प्रारंभ होणार आहे. २९ सप्टेंबरपर्यंत विंटर सीझनचे वेळापत्रक कंपनीकडून जाहीर करण्यात आले. त्यानंतर समर सीझनचे वेळापत्रक जाहीर केले जाणार आहे. (Delhi Nashik Air Service starts from 4th August nashik Latest Marathi News)

४ ते ९ ऑगस्ट या कालावधीसाठी दिल्लीहून सकाळी सात वाजून पंचावन्न मिनिटांनी विमानाचे उड्डाण होईल. त्यानंतर सकाळी ९. ४५ वाजता ओझर विमानतळावर आगमन होईल. ओझर विमानतळावरून १०. १५ मिनिटांनी उड्डाण होईल. दुपारी १२.१५ मिनिटांनी दिल्ली विमानतळावर पोचेल.

१० ऑगस्टपासून २९ सप्टेंबरपर्यंत नवीन वेळापत्रकानुसार सेवा सुरू राहील. सकाळी ६. ३५ मिनिटांनी दिल्लीहून विमानाचे उड्डाण होईल. सकाळी ८.३० मिनिटांनी ओझर विमानतळावर आगमन होईल. ओझरहून दिल्लीसाठी ९ वाजता उड्डाण होईल. १०. ४५ मिनिटांनी पोहचेल. त्यानंतर दिल्ली, नाशिक विमानसेवेचे नवीन वेळापत्रक जाहीर केले जाणार आहे.