Nashik Crime News : प्रसिद्ध गायक सुरेश वाडकर यांना पुन्हा एकदा नाशिकमध्ये वाईट अनुभव आला आहे. वाडकर यांना नाशिकमध्ये संगीत महाविद्यालय सुरू करायचे असल्याने त्यासाठी जागा पाहण्यासाठी त्यांचे स्वीय सहाय्यक उपनगर परिसरात आले असता, दोघा संशयितांनी त्यांच्याकडे २० कोटींची मागणी केल्याचा धक्कादायक प्रकार घडला आहे. (Demand for extortion from singer Suresh Wadkar personal assistant nashik crime news)
याप्रकरणी उपनगर पोलिसांत दोघांविरुद्ध खंडणीचा गुन्हा दाखल करण्यात आला आहे. सुरेश वाडकर यांचे स्वीय सहाय्यक मुनीराज रामकुमार मिणा (रा. वसंतनगरी, वसई, जि. पालघर) यांच्या फिर्यादीनुसार, वाडकर यांनी नाशिक रोड परिसरालगत संगीत महाविद्यालयासाठी भूखंड खरेदी केल्याचे समोर येत आहे.
या जागेची पाहणीसाठी वाडकर यांचे स्वीय सहाय्यक मुनीराज मिणा मंगळवारी (ता. ६) सकाळी गेले. त्या वेळी दोघा संशयितांनी मिणा यांना अडवत जागेत जाण्यापासून रोखले. संशयितांनी मिणा यांना या जागेचे प्रकरण आमच्याकडे आल्याचे सांगून तडजोड होईपर्यंत या ठिकाणी प्रवेश करू नये, असे धमकावले.
तसेच दरगोडे बंधूंना १५ कोटी, आम्हाला पाच कोटी रुपये द्यावेत, अन्यथा जिवे मारण्यात येईल, अशी धमकीही दिली. मिणा यांनी उपनगर पोलिस ठाण्यात दोघांविरोधात खंडणीची फिर्याद दाखल केली आहे. याप्रकरणी दोघांचा शोध घेतला जात असल्याचे उपनगरचे वरिष्ठ पोलिस निरीक्षक जितेंद्र सपकाळे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.