Eknath Khadse : नाशिक येथील महानुभव पंथाच्या संमेलनात राज्याचे उपमुख्यमंत्री देवेंद्र फडणवीस आणि राष्ट्रवादीचे नेते एकनाथ खडसे एकाच मंचावर उपस्थित होते. मात्र, मंचावर भाजप नेत्यांच्या गर्दीत एकनाथ खडसे एकाकी पडल्याचे चित्र पाहण्यास मिळाले. त्यामुळे संमेलन सभारंभाच्या मंचावर असून खडसे दूरच असल्याची जोरदार चर्चा सुरू झाली आहे.

नाशिकमध्ये तीन दिवसीय महानुभव पंथाच्या संमेलनाचे आयोजन करण्यात आले आहे. या कार्यक्रमाला गिरीश महाजन, देवेंद्र फडणवीस उपस्थित आहे. मात्र, असे असतानदेखील महाजन आणि फडणवीस यांच्यापासून खडसेंनी काहीसे अंतर ठेवल्याचे दिसून आले. त्यामुळे अनेकांच्या भुवया उंचावल्या आहेत. संमेलन सुरू झाल्यानंतर अनेक कार्यक्रम पार पडले मात्र, खडसे कार्यक्रमाला आल्यापासून ज्या खूर्चीवर बसूव आहेत तेथेच आहेत. या कार्यक्रमाचे आयोजन माजी नगरसेवक दीनकर पाटील भजपाचे माजी आमदार बाळासाहेब सानप यांनी केले आहे.

खडसे आणि फडणवीस यांच्यातील राजकीय नाते अनेक काळ राज्यात चर्चेचा विषय राहिलेला आहे. कदाचित त्याचेच काहीसे पडसाद नाशिक येथील मंचावर पाहण्यास मिळत आहे असे म्हटल्यास चुकीचं ठरणार नाही.