नाशिक : नाशिकमधून महत्वाची बातमी समोर येत आहे. 100 पेक्षा जास्त कर्मचाऱ्यांनी काम बंद आंदोलन पुकारलं असून नाशिक महानगरपालिकेची सिटीलिंक बससेवा पुन्हा एकदा ठप्प झाली आहे.

तीन महिन्यांपासून पगार होत नसल्यामुळं कर्मचाऱ्यांनी काम बंद आंदोलन पुकारलं आहे. पहाटेपासूनच तपोवनमध्ये असलेल्या बस डेपोतून एकही गाडी रस्त्यावर धावणार नाही, असा कर्मचाऱ्यांनी पवित्राच घेतला आहे.

मात्र, अचानक बससेवा बंद झाल्यामुळं प्रवाशांचे हाल होताना दिसत आहेत. सध्या प्रवासी मिळेल त्या वाहनाने आपला पुढचा प्रवास करत आहेत, परंतु त्यांना आर्थिक भुर्दंड सोसावा लागत आहे. या आंदोलनाचा मोठा फटका नाशिक महानगरपालिकेला बसणार आहे.