Nashik Shetkari Melava : राज्याचे उपमुख्यमंत्री अजित पवार यांच्या मार्गदर्शनाखाली गेल्या ४ वर्षात कळवण- सुरगाणा विधानसभा मतदारसंघात अकराशे कोटी रुपयांचा निधी मंजूर झाल्यामुळे विविध विकासकामे प्रगतिपथावर आहेत. (Farmers meet tomorrow in presence of Deputy Chief Minister Ajit Pawar nashik news)

याबद्दल कृतज्ञता व्यक्त करण्यासाठी तसेच आमदार नितीन पवार यांच्या वाढदिवसाचे औचित्य साधून शेतकरी व कृतज्ञता आणि अभीष्टचिंतन सोहळा होत आहे. ४९४ कोटींच्या विविध विकासकामांचे भूमिपूजन व लोकार्पण शनिवारी (ता.७) सकाळी दहाला होत असल्याची माहिती आमदार नितीनभाऊ पवार अभीष्टचिंतन सोहळा समितीने दिली.

उपमुख्यमंत्री अजित पवार यांच्या हस्ते विविध विकासकामांचे भूमिपूजन, लोकार्पण होणार आहे. अध्यक्षस्थानी अन्न व नागरी पुरवठा मंत्री छगन भुजबळ असतील.

विशेष पाहुणे म्हणून विधानसभेचे उपाध्यक्ष नरहरी झिरवाळ, पालकमंत्री दादा भुसे, प्रदेशाध्यक्ष, खासदार सुनील तटकरे, आमदार सर्वश्री माणिकराव कोकाटे, दिलीपराव बनकर, डॉ. राहुल आहेर, सौ. सरोज अहिरे, हिरामण खोसकर, देवयानी फरांदे, सीमा हिरे, दिलीप बोरसे, राहुल ढिकले, नरेंद्र दराडे, सुहास कांदे, किशोर दराडे, सत्यजित तांबे, मविप्रचे सरचिटणीस अँड नितीन ठाकरे, राष्ट्रवादी काँग्रेस जिल्हाध्यक्ष रवींद्र पगार, भाजप जिल्हाध्यक्ष केदा आहेर आदी उपस्थित राहतील. या सोहळ्याला कळवण सुरगाणा तालुक्यातील जनतेने उपस्थित राहावे असे आवाहन आमदार नितीन पवार अभिष्टचिंतन सोहळा समितीने केले.