येवला (जि.नाशिक) : काही दिवसांपासून शहरात दहशतीचे वातावरण आहे. त्यापाठोपाठ भररस्त्यात घडलेल्या धक्कादायक घटनेने नागरिक धास्तावले

वर्दळीच्या रस्त्यावरील घटनेने शहरात एकच खळबळ

विंचूर चौफुली येथील न्यू तृप्ती फरसाणचे संचालक सागर कायस्थ (३५, रा. पटेल कॉलनी) रात्री नऊच्या दरम्यान दिवसभराचा दुकानाचा गल्ला अंदाजे ७० हजार रुपये व व्यापाऱ्यास देण्यासाठी घरून आणलेले दोन लाख रुपये असे एकूण दोन लाख ७० हजार रुपये पिशवीत घेऊन दुचाकीने (एमएच १५/ एफवाय ८३११) घराकडे जात होते. पटेल कॉलनीतील संजीवनी शाळेजवळून रस्त्याने जात असताना मागून तोंडाला काळे कापड बांधून दुचाकीवर आलेल्या तिघा चोरट्यांनी सागर यांची दुचाकी आडवली. एकाने दुचाकीच्या हँडलला असलेली पैशाची पिशवी काडून घेतली, तर दुसऱ्याने तलवार मानेस लावून सागर यांच्या गळ्यातील पाच तोळ्यांची दोन लाखांची सोन्याची चैन बळजबरीने हिसकावून घेतली. पँटच्या खिशातील दहा हजारांचा मोबाईलही काढून घेतला. झटापटीत दुचाकी खाली पडली, तर सागर यांनी आरडाओरड केल्याने नागरिक जमा होऊ लागताच चोरट्यांनी पळ काढला. सागर कायस्थ यांच्या फिर्यादीवरून शहर पोलिसांत लुटीचा गुन्हा दाखल झाला.  

हेही वाचा > ह्रदयद्रावक; आजोबांना दोन घास दिल्याचे समाधान घेऊनच नात झाली देवाला प्रिय, दसऱ्याच्या दिवशीच हळहळ

शहरात एकच खळबळ

पटेल कॉलनीतील संजीवनी शाळेजवळ दुकान बंद करून घरी जाणाऱ्या फरसाण व्यावसायिकाला तीन चोरट्यांनी भररस्त्यात अडवून तलवारीच्या धाकाने लुटले. यामध्ये तब्बल चार लाख ८० हजारांची लूट झाली असून, वर्दळीच्या रस्त्यावर ही घटना घडल्याने शहरात एकच खळबळ उडाली आहे. 

हेही वाचा >  पिंपळगावच्या टोमॅटोचा देशभरात डंका! सव्वाचारशे कोटी शेतकऱ्यांच्या पदरात