Nashik News : अंत्योदय योजनेसाठी सहा महिन्यापूर्वी अर्ज करूनही तहसिल कार्यालयाकडून प्रतिसाद मिळत नसल्याने दिव्यांग बांधवांनी सोमवारी (ता. २६) तहसिल कार्यालयात तळ ठोकून निषेध केला.

तालुक्यातील दिव्यांग व्यक्तींना अंत्योदय रेशनकार्डसाठी अर्ज करून सहा महिने होऊनही लाभ मिळत नसल्याने दिव्यांगांनी प्रहार दिव्यांग संघटनेचे तालुकाध्यक्ष रवींद्र टिळे यांच्या नेतृत्वाखाली नाशिक तहसीलदार कार्यालय गाठले. (For Ration Card Disable people gathered directly in Tehsildar Hall Nashik News)

हेही वाचा : Credit Card फसवणूक....काय घ्याल काळजी?

रिमझिम पावसात ही दिव्यांगांनी सहभाग नोंदवून तहसीलदार यांना जाब विचारला. काही दिव्यांगांना पिवळी शिधापत्रिका मिळूनही त्यांना अद्याप धान्य मिळत नसल्याचे, तसेच संजय गांधी निराधार योजनेसाठी अर्ज करूनही मंजुरी देण्यात आली नाही असे तालुकाध्यक्ष रवींद्र टिळे यांनी सांगितले.

गरजू दिव्यांगांना शिधापत्रिका व संजय गांधी निराधार योजना बैठक घेउन तोडगा काढला जाईल, असे तहसिलदारांनी सांगितले.

उपतालुकाध्यक्ष शरद नरवाडे, तालुका सचिव यशवंत सातपुते, गोकूळ कांडेकर, बापू झाडे, कैलास ढिकले, लक्ष्मण कांगणे, विलास कदम, शशिकांत पगार, तानुबाई खांडवाले- नरवडे, मनीषा सूर्यवंशी, ख़ुशी कदम आदी उपस्थित होते.