जुने नाशिक : शालिमार भागात पार्किंगमध्ये उभी असलेली चारचाकीची जाळपोळ करणाऱ्या संशयितास भद्रकाली पोलिसांनी अटक केली. त्यास न्यायालयात हजर केले असता, तीन दिवसाची पोलिस कोठडी सुनावण्यात आली. (Four wheeler burning suspect jailed Nashik Crime News)

हेही वाचा : देशातले ३२ म्युच्युअल फंडांचं व्यवस्थापन आहे महिलांच्या हाती...

आदित्य ऊर्फ घाऱ्या कुमार मोरे (२०, रा. पंचशीलनगर) असे संशयिताचे नाव आहे. संशयित तक्रारदार दीपक कपिले याच्याकडे हप्त्याची मागणी करत होता. त्यांनी संशयितास पैसे दिले नाही. याचा राग मनात धरून संशयिताने शालिमार येथील पार्किंगमध्ये तक्रारदार यांची उभी असलेली चारचाकीची जाळली.

भद्रकाली पोलिसांनी अवघ्या काही तासात संशयितास ताब्यात घेतले. तक्रारदार यांनी शिवीगाळ केल्याचा राग आल्याने चारचाकीची जाळपोळ केल्याचे संशयिताने सांगितले. मंगळवार (ता. १४) त्यास न्यायालयात हजर केले असता, गुरुवार (ता.१६) पर्यंत पोलिस कोठडी सुनावण्यात आली आहे. अधिक तपास सहाय्यक पोलिस निरीक्षक अभिजित सोनवणे करत आहे.