नाशिक : स्‍वातंत्र्य दिनापासून ‘नो हेल्‍मेट, नो पेट्रोल’ च्‍या अंमलबजावणीला सुरवात झाली आहे. अद्यापही काही नाशिककरांनी मोहिमेचे गांभीर्य ओळखलेले दिसत नाही. मंगळवारी (ता.१७) दिवसभर विनाहेल्‍मेट पंपावर आलेले वाहनचालक हेल्‍मेटसाठी इतरांना विनवण्या करत असतानाचे दृश्य शहरातील विविध पेट्रोल पंपावर बघावयास मिळत आहे.
पोलिस आयुक्‍त दीपक पांडे यांच्‍या संकल्‍पनेतून ‘नो हेल्‍मेट, नो पेट्रोल’ उपक्रम राबविला जात आहे. रस्‍ते अपघातात मृत्‍यूचे प्रमाण घटविण्याच्‍या उद्देशाने व हेल्‍मेटचा वापर वाढविण्यासाठी हा उपक्रम हाती घेतला आहे. परंतु काही बेशिस्‍त वाहनचालकांमध्ये अद्यापही गांभीर्य नसल्‍याची परिस्थिती आहे. अशात केवळ पेट्रोल मिळविण्यापुरता पंपावर अन्‍य वाहनचालकाकडून हेल्‍मेटची विनवणी करतानाचे चित्र सध्या सर्रासपणे बघायला मिळत आहे.
काही ठिकाणी कर्मचाऱ्यांशी हुज्‍जत
काही पंपांवर हेल्‍मेटविना पेट्रोल देण्यास नकार देणाऱ्या कर्मचाऱ्यांशी हुज्‍जत घातली जात असल्‍याचेही प्रकार अनुभवायला आले. तर काही पंपाच्‍या आवारात तैनात पोलिसांकडून विनाहेल्‍मेट चालकांना खाक्‍या दाखवत जाब विचारला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.